Dünyaya gələn hər bir varlığın xoşbəxt olacağı kimi Hər bir qurulan ailənin də bir ömür boyu birlikdə olacağını heç kəs sığortalamır. Böyük ümüdlərlə qurulan ailə adlı hasaradan hər gün müxtəlif səblərdən bir kərpic düşür.

Heç bir ailə 100% lik xoşbəxt deyil. Kənardan xoşbəxt, qayğısız görünən, həsədlə baxılan hər bir ailənin içindən onu məhv edən, sarsıdan kiçicik də olsa mütləq bir problemi vardır.

Kiminə Tanrı övlad bəxş etmir. Dünyanın bütün naz nemətlərinə sahib olan ailə illər boyu övlad həsrəti ilə alışıb yanır.

Kimin övladı şəhid olur. İllər boyu hər nazına dözərək, əl içində böyüdülən ailənin yeganə övladı şəhid olur. Vətən yolunda şəhid olub, şəhidlik zirvəsinə yüksələn bir övlada sahib olmaq nə qədər qürur verici olsa da, övlad itgisi bu ailəni məhv edir.

Bəzi ailələr zamansız olaraq başsız qalır. Vaxtsız və amansız ölüm bir çox ailələri başçısız, gözü yaşlı qoyur.

Bir sıra ailələrdə işsizlik ən böyük problemdir. Öz ailəsinin ehtiyacalarını ödəyə biləməyən, övladlarına verəcək cavab tapmayan, günü gündən övladına deyəcək bəhanələri, yalanları tükənən valideyin sıxıntılar içində yaşayır.

Kimin öz qızı kimi hər nazına dözdüyü, rahat, qayğısız həyat sürməsi üçün hər cür şərait yaratmış olduğu gəlini heç də düşünülən kimi sakit və fağır birisi olmur. Gəlin olaraq gəlmiş olduğu ailəyə sözün əsl mənasında qan uddurur.

Bir ömür boyu xoşbəxt həyat sürəcək deyə güvənib, etibar edib qız verilən adlı sanlı ailənin övladı düşünülən xoşbəxtçiliyi almış olduğu qıza verə bilmir.

Gələcəyinə böyük ümüdlər bəslənən bir gəncin qolunu iynələrə məskən etdiyi aydınlaşır.

Bu və bir sıra buna oxşar problemlər hər bir ailədə var. Çıxış yolunu isə tapmaq hər zaman asand başa gəlmir. Qaranlıqdan çıxıb, işıqlı dünyaya gedən qapını aralayıb, yeni həyata qədəm qoymaq hər zaman mümkün olmur.

Bəs sizin ailədə nə kimi problemlər, sıxıntılar var? Yoxdur deməyin çünki 100% lik xoşbəxt ailələr yalnız nağıllarda və seriallarda olur.