Milli.Az xəbər portalı bildirir ki, Türkiyənin Qars vilayətində
türk-erməni dostluğu ümidinin şərəfinə ucaldılmış abidə yerlə yeksan
ediləcək. Türkiyənin baş naziri Rəcəb Tayyib Ərdoğan Qarsda səfərdə
olarkən yerli sakinlərlə görüşü əsnasında bildirib ki, türk-erməni
dostluğunu simvolizə edən "İnsanlıq abidəsi" heykəli söküləcək. İki il
əvvəl ucaldılmış heykəl yerli sakinlərin kəskin etirazlarına və
siyasətçilərin narazılıqlarına rəğmən, yerində qalırdı.
Ərdoğan deyib ki, abidə ən yaxın zamanlarda sökülməli, yerində park salınmalıdır. "Bu abidə çox əcaibdir və yerli sakinlər də ondan narazıdır. Belədirsə, abidə sökülməlidir", - Türkiyənin baş naziri söyləyib.
Qarsdakı "İnsanlıq Abidəsi"ni ermənilər "soyqırım"ı etraf kimi təqdim edirlər
Qars
vilayətinin sabiq bələdiyyə sədri Naif Əlibəyoğlunun təşəbbüsü və
təkidi ilə hazırlanaraq Üçlər məhəlləsində ucaldılmış bu abidə türklərlə
ermənilər arasında "dostluq ümidlərinin simvolu" sayılırdı. Qarsın
indiki bələdiyyə sədri Nevzat Bozkuş isə bildirib ki, bu abidə layihə
dönəmindən bağlı münaqişə, mübahisə və qarşıdurma obyekti olub. "Abidə
Uçlər məhəlləsində tarixi bir məkanda, türklər üçün önəmli və müqəddəs
bir yerdə ucaldılmışdı. Buna etiraz etdik, bizi dinləmədilər. Daha sonra
Ərzurum və Diyarbəkirin Abidələr və Tarixi Əsərlər təşkilatları abidə
ilə bağlı qərar çıxardı və bildirildi ki, o abidə sökülməlidir. Üstəlik,
həmin abidədən cəmi 50 metr o tərəflər erməni məzarları olduğundan,
ermənilər "İnsanlıq Abidəsi"ini hər yerdə "Soyqırım abidəsi" kimi təqdim
edir, bizim qondarma və uydurma "erməni soyqırım"nı guya etiraf
etməyimizin nişanəsi kimi qələmə verirdilər", - N.Bozkuş deyib.
Ermənilərə ümid olan…
Türkiyənin
Qars vilayəti ötən əsrin əvvəllərində ermənilərin türklər və
azərbaycanlılara azğın hücumlarına məkan olmuş yelərdən biridir. İndi
burada yaşayan sakinlərin bir çoxu XX əsrin əvvəllərində erməni
vəhşətindən qurtularaq sağ qalmağa çalışmış dinc insanların
nəticələridir. Fəqət, Qarsdakı bəzi syiasətçilər, iş adamları güman
edirlər ki, Türkiyə ilə Ermənistan arasındakı sərhədin açılması və
dövlətlərarası münasibətlərin normallaşması vilayət əhalisinin iqtisadi
rifahının artımına təkan verərdi. Azərbaycanın Qarsdakı konsulu Ayxan
Süleymanov hesab edir ki, sərhədin açılması vilayətin iqtisadi
inkişafına heç bir halda təssir edə bilməz. "Ermənistan kimi yoxsul,
kasıb, iqtisadiyyatı ağır vəziyyətdə olan ölkənin Türkiyə təki dövlətin
vilayətinin iqtisadi yüksəlişində hər hansı bir müsbət rol oynya
biləcəyini düşünmürəm", - A.Süleymanov deyib.
Türkiyə Strateji Araşdırmalar Mərkəzinin (TürkSAM) rəhbəri Sinan Oğan
bu arada İqdırda keçirdiyi konfransda bildirib ki, ermənilər
iddialarından əl çəkməyincə Ermənistanla Türkiyənin münasibətlərinin
normallaşması mümkün olmayacaq.
"Tüpürüm belə sənətin içinə"…
Türkiyənin
baş naziri Rəcəb Tayyib Ərdoğanın "eybəcər" adlandırdığı "İnsanlıq
abidəsi"nin müəllifi, heykəltaraş Mehmek Aksoy abidənin yıxılmasına
qarşı çıxıb. "Baş nazir axı niyə belə danışır?! Heyrət etdim, çünki
elə bil söyüş işlədib. Təbii ki, baş nazirin dediyi o sözlərin cavabını
verə bilmərəm. Ona görə baş nazirdən məhkəməyə şikayət etməyi düşünürəm.
Məqsədim Rəcəb Tayyib Ərdoğana dərs vermək yox, o abidənin yerində
qalmasıdır. Başa çatmamış bir abidə barədə nələr danışırlar, anlamıram",
- Aksoy deyib.
Müəllif heykəltaraş hesab edir ki, hündürlüyü 30
metr olduğundan Ermənistandan da görünən və Türkiyənin ən böyük abidəsi
olan "İnsanlıq abidəsi" heç bir halda sökülməməlidir.
Xatırladaq ki, Mehmet Aksoy bir qədər əvvəl İstanbulun bələdiyyə başqanı Melih Gökçeki də məhkəməyə vermişdi. Heykəltaraşın "Pərilər Ölkəsi" və "İnsanlıq abidəsi" kimi əsərlərini görən Melih Gökçek "tüpürüm belə sənətin içinə" demişdi.
Milli.Az xəbər portalı bildirir ki, Türkiyənin Qars vilayətində
türk-erməni dostluğu ümidinin şərəfinə ucaldılmış abidə yerlə yeksan
ediləcək. 
