Rusiya ortdoksal kilsəsi təklif edib ki, Rusiyada kişilər və qadınlar
üçün geyim kodeksi tətbiq edilsin. Əslində, daha çox qadınlar üçün…
Kilsənin
sinodal şöbəsinin məsul şəxsi Vsevolod Çaplin deyib ki, məktəblərdə,
şirkətlərdə geyim kodeksi tətbiq edildiyi kimi, yaxşı olardı, barlarda,
ictimai yerlərdə də ümumi Rusiya geyim kodeksi tətbiq ediləydi.
MİNİ YUBKA QARŞISINDA NƏİNKİ QAFQAZLI, RUS DA YOLDAN ÇIXAR
Keşiş
Vsevolod deyib ki, əgər qadın mini yubkadadırsa, nəinki qafqazlını
yolundan çıxaracaq, hətta rusları da təxribata çəkəcək. Üstəlik, qadın
sərxoşdursa və kimisə yoldan çıxarmaqda aktivdirsə, bu, axırda onun
zorlanması ilə başa çatacaq.
Keşişin fikrincə, qadınların zorlanmasına daha çox onların geyimi, xarici görünüşü səbəb olur.
Vsevolod
Çaplinin sözlərinə görə, bütün zamanlarda bütün millətlərdə adamın
xarici görünüşü heç də həmişə şəxsi məsələ sayılmayıb. "Qadınların
ictimai yerlərdə, institutda, iş yerində özünü necə aparması heç də
onların şəxsi işi deyil” deyən Vsevolod ata göstərir ki, kişilər də öz
geyimləri ilə qadınlardan geri qalmırlar:
- Şəhərin ortasında şortik-maykada, çəkələkdə gəzən adama heç də hörmət göstərmirsən, bəd ayaqda fikirləşirsən ki, "bomjdur”. QADINLAR "KLOUN KİMİ GEYİNİB-BƏZƏNİRLƏR”
Onun
sözlərinə görə, küçədə, metroda və ya barda kloun kimi geyinib-bəzənmiş
qadınlar nəinki sərxoş axmaqlara rast gəlmək riski ilə üz-üzədir, hətta
onlara həyat yoldaşı ola biləcək kişini də tapa bilməyəcəklər:
-
Açıq-saçıq görünüş, abırsız rəftar – bədbəxtliyə aparan yoldur. Həyatda
bir dəfə sevmək arzusunun boşa çıxması, qısamüddətli nikah, taleyinə
zərbə vurulmuş uşaqlar, tənhalıq deməkdir.
"KİMƏ NƏ DƏXLİ VAR, KİM NECƏ GEYİNİR?”
Moskva Helsinki Qrupunun rəhbəri Lyudmila Alekseyeva deyib ki, geyim
kodeksinin tətbiqi ilə bağlı gətirilən arqumentlər cəfəngiyyatdır. 83
yaşlı hüquq müdafiəçisi "İnterfax” xəbər agentliyinə deyib:
- Kim
necə istəyir, elə də geyinsin. Çeçenistanda qadınları ictimai yerlərə
yaylıqsız buraxılmırlar. Bu, müsəlman geyim kodeksidir. İndi də
provoslav geyim kodeksi tətbiq edilir. Sonra hansısa geyim kodeksi
fikirləşəcəklər. Mən özüm nə mini yubka geyinirəm, nə də dekolte. Amma
kimə nə dəxli var, kim necə geyinir? Ruslarda bir söz var, geyimə görə
qarşılayıb ağlına görə yola salarlar. Deməli, ağıl lazımdır, paltar yox.
Qoyun adam özü qərar versin, necə geyinir.
"RƏSMİ İCTİMAİ GEYİM VAR”
Prezident
Yanında İnsan Haqları Şurasının rəhbəri Mixail Fedotov isə deyir ki,
cəmiyyətdə geyimin idarə olunmasına ehtiyac yoxdur. Onun sözlərinə görə,
Rusiyada kütləvi geyim kodeksi var və rahatca istifadə olunur:
-
Bizdə elə bir qanun yoxdur ki, şalvar geyinmək yalnız kişi cinsinə
məxsusdur. Heç belə qaydaya da ehtiyac yoxdur. Bizdə artıq rəsmi ictimai
geyim var – kişilər kostyum və qalstuk, qadınlar kostyum, yubka və ya
don geyinirlər.
"KİŞİLƏR KİLSƏYƏ ŞORTİKLƏ GETMİR Kİ...”
Mixail Fetodov deyir ki, kilsəyə getmək istəyən kişi əyninə şortik geyinmir və ya qadınlar da qaydaya uyğun başlarını bağlayır:
-
Rusiya dünyəvi dövlətdir və burda kütləvi geyim kodeksləri var. Bank
işçisinin geyim tərzi zavodda işləyənin geyimindən fərqlənir. Nəyisə
dəyişməyə ehtiyac yoxdur, mədəni səviyyəni, o cümlədən geyimə münasibəti
inkişaf etdirməyə ehtiyac var. "AZƏRBAYCANDA HƏR KƏS ÖZ SƏVİYYƏSİNƏ UYĞUN GEYİNİR”
Qafqaz
Müsəlmanları İdarəsinin sədr müavini Qəmər Cavadlı keşiş Çaplinin
təklifi ilə tanış olduğunu, amma bunu birmənalı qarşılamadığını deyir.
Onun fikrincə, Azərbaycanda belə bir təklif səslənsəydi, etirazlarla
qarşılanardı:
- Biz o dəqiqə demokratik anlayışlarla
toqquşacağıq, əks fikirlər eşidəcəyik. Hərə öz səviyyəsinə,
mədəniyyətinə, dünyagörüşünə uyğun geyinir və əlbəttə ki, geyim insanın
şəxsi işidir.
Amma Qəmər Cavadlı hesab edir ki, belə bir
məsələni ictimai müzakirəyə çıxarmaq olar və sonda onlar öz mövqelərini
ortaya qoyarlar.
Rusiya ortdoksal kilsəsi təklif edib ki, Rusiyada kişilər və qadınlar
üçün geyim kodeksi tətbiq edilsin. Əslində, daha çox qadınlar üçün… 
"KİMƏ NƏ DƏXLİ VAR, KİM NECƏ GEYİNİR?”
